Philip Morris International

- English - Georgia - ქართული - კანდიდატთა

• Philip Morris International ან PMI გულისხმობს Philip Morris International-ს, თამბაქოს საერთაშორისო წამყვან ჯგუფს. ის შედგება მრავალი კომპანიისაგან ანუ „აფილირებული პირისაგან“.
• PMI-ის აფილირებული პირები: Philip Morris International-ის ჯგუფში შემავალი ყველა წევრი არის PMI-ს აფილირებული პირი. „ჩვენ“ (ან „ჩვენი“) მოიცავს PMI-ს თითოეულ აფილირებულ პირს: როდესაც თქვენ ქმნით კანდიდატის პროფილს ან განცხადება შეგაქვთ ვაკანსიის თაობაზე, თქვენ აწვდით ინფორმაციას PMI-ს თითოეულ აფილირებულ პირს და PMI-ს თითოეულმა აფილირებულმა პირმა შეიძლება დაამუშაოს თქვენს შესახებ ინფორმაცია სამუშაოზე აყვანის საკუთარი მიზნებისთვის. ეს ხდება მაშინაც კი, როდესაც თქვენ უთითებთ ვაკანსიას, რომელშიც მოცემულია PMI-ს კონკრეტული აფილირებული პირი ან ქვეყანა/ტერიტორია.

ჩვენ შეიძლება შევაგროვოთ ის ინფორმაცია, რომელსაც თქვენ პირდაპირ მოგვაწვდით. ჩვეულებრივ, აღნიშნული მოხდება მაშინ, როდესაც:

• რეგისტრირდებით, რათა იყოთ ჩვენი მონაცემთა ბაზების წევრი (მაგალითად, ეს შეიძლება მოხდეს პირადად, აპლიკაციის გამოყენებით, ან ონლაინ, როდესაც ანგარიშს და კანდიდატის პროფილს ქმნით);
• გვიგზავნით ვაკანსიაზე განაცხადს და დამხმარე ინფორმაციას;
• მონაწილეობთ გასაუბრებაში;
• ასრულებთ ტესტს/გადიხართ შეფასებას;
• გვაწვდით სამუშაოს შეთავაზებაზე თანხმობას, ბიოგრაფიის სკრინინგის და კოლექტივში მიღების ინფორმაციას (სადაც შეესაბამება);
• გადმოიწერთ, ან იყენებთ ციფრულ შეხების წერტილებს (მაგ. აპლიკაცია ან ვებ-გვერდი);
• გვიკავშირდებით PMI-ს შეხების წერტილის, ელფოსტის, სოციალური მედიის ან ტელეფონის მეშვეობით;
• რეგისტრირდებით პრესრელიზების, ელექტრონული ფოსტის შეტყობინებების ან სამუშაო განახლებების მისაღებად;
• მონაწილეობას იღებთ გამოკითხვებში ან (სადაც ეს კანონით დაშვებულია) შეჯიბრებებში ან სარეკლამო კამპანიებში; ან
• ესწრებით ღონისძიებას, რომელიც ორგანიზებული იქნება PMI-ის აფილირებული პირის მიერ.

ჩვენ შეიძლება შევაგროვოთ ინფორმაცია ელექტრონული მოწყობილობიდან, თუ თქვენ გადაწყვეტთ ინფორმაციის ჩვენთვის გამოგზავნას. ეს შეიძლება გაზიარდეს ინტერნეტთან პირდაპირი კავშირის საშუალებით, ან ჩვენი ერთ-ერთი აპლიკაციის საშუალებით, რომელიც შეგიძლიათ გადმოიწეროთ.

ჩვენ შესაძლოა ავტომატურად შევაგროვოთ ინფორმაცია თქვენ შესახებ. ჩვეულებრივ, აღნიშნული მოხდება მაშინ, როდესაც:

• ეწვევით ჩვენს ოფისებს (მაგ. ვიდეო (CCTV) ჩანაწერის ან შენობაში შესვლის ჟურნალის გზით);
• გაივლით ნიჭის და უნარების ონლაინ ტესტირებას (მათ შორის ონლაინ და ვიდეო ჩაწერის საშუალებით);
• დაესწრებით ღონისძიებას, რომელიც ორგანიზებული იქნება PMI-ს აფილირებული პირის მიერ (მაგ. ღონისძიებაზე არსებული სენსორების მეშვეობით, რომლებიც უკავშირდება თქვენს მობილურ მოწყობილობებს);
• გამოიყენებთ PMI-ს სისტემებს ან PMI-ს მოწოდებულ მოწყობილობებს, როგორიცაა ლეპტოპი;
• კომუნიკაცია გექნებათ ჩვენთან (მაგალითად, PMI-ს შეხების წერტილის, ელფოსტის, ან სოციალური მედიის პლატფორმების გამოყენებით);
• გამოიყენებთ PMI-ს შეხების წერტილებს (მაგ., როგორიცაა ქუქი-ფაილები და ვებ შუქურები/პიქსელები); ან
• გააკეთებთ ჩვენ მიერ გამოწერილ სოციალური მედიის პლატფორმებზე საჯარო განცხადებებს (მაგ., იმისთვის, რომ საზოგადოებრივი აზრი ჩვენთვის გასაგები იყოს).

ჩვენ ასევე შესაძლოა ავტომატურად შევაგროვოთ ინფორმაცია თქვენ შესახებ ქუქი-ფაილების და შეხების წერტილებზე არსებული სხვა მსგავსი აღმრიცხველი ტექნოლოგიების გამოყენებით (როგორიც არის ვებ შუქურები/პიქსელები), რომელსაც იღებთ, როდესაც ეწვევით PMI-ს ციფრულ შეხების წერტილებს ან მიიღებთ ელწერილს ჩვენგან. კონკრეტული ქუქი-ფაილები და სხვა გამოყენებული ტექნოლოგიები დამოკიდებული იქნება შესაბამის PMI-ს შეხების წერტილზე. PMI-ს შეხების წერტილებზე გამოყენებულ სხვა მსგავსი ტექნოლოგიების შესახებ მეტი ინფორმაციის მისაღებად, მათ შორის ცნობები იმის შესახებ, თუ როგორ შეიძლება დაეთანხმოთ ან უარყოთ ქუქი-ფაილები, იხილეთ ინფორმაცია, რომელიც ხელმისაწვდომი იქნება ამგვარ შეხების წერტილში ან მისი გამოყენებისას. ეს ტექნოლოგიები შეიძლება მოიცავდეს Google ანალიტიკის ქუქი-ფაილებს (იხილეთ https://policies.google.com/technologies/partner-sites .)

იქ, სადაც ეს დაშვებულია კანონით, ჩვენ შესაძლოა მოვიპოვოთ ინფორმაცია თქვენ შესახებ მესამე პირებისგან. აღნიშნული შეიძლება მოიცავდეს შემდეგს:

• ინფორმაცია დასაქმების სააგენტოებიდან;
• ინფორმაცია, რომელიც გაზიარებულია PMI-ს აფილირებულ პირებს შორის;
• ინფორმაცია მესამე მხარის სოციალური მედიის საიტებიდან (მაგ., თუ აირჩევთ სამუშაო პლატფორმაზე შესვლის პროცესის გამარტივებას, პირდაპირი წვდომის დაშვებით მესამე მხარის სოციალური მედიის ანგარიშზე შესვლის შემდეგ, როგორიცაა Gmail ან Yahoo!, ან თუ გსურთ ინფორმაციის პლატფორმაზე ატვირთვა (მაგალითად, LinkedIn-იდან) განაცხადის ხელით შევსების ნაცვლად); და
• საჯაროდ ხელმისაწვდომი პროფილის ინფორმაცია (მაგ. თქვენი გამოცდილება, უნარები და ინტერესები) მესამე პირის სოციალური მედიის საიტებიდან (მაგ. LinkedIn).

ჩვენ შესაძლოა შევაგროვოთ ინფორმაცია სხვა კონტექსტშიც, რაც თქვენთვის თვალსაჩინო იქნება აღნიშნულის განხორციელების დროს.

ინფორმაცია, რომელსაც ჩვენ ვაგროვებთ პირდაპირ თქვენგან, თვალსაჩინო იქნება იმ კონტექსტიდან გამომდინარე, რომელშიც თქვენ გვაწვდით ამ ინფორმაციას. მაგალითად:

• განაცხადის და დაქირავების პროცესის დროს თქვენ გვაწვდით სახელს, საკონტაქტო ინფორმაციას, უნარებს, კვალიფიკაციას, გამოცდილებას და, სადაც ჩვენ ვთანხმდებით, ინფორმაციას (როგორიცაა თქვენი საბანკო ანგარიშის დეტალები), რომელიც საშუალებას გვაძლევს ავანაზღაუროთ გასაუბრებაზე დასწრების გარკვეული ხარჯები);
• ნებისმიერი გასაუბრების ან შეფასების დროს თქვენ სცემთ პასუხებს კითხვებზე;
• თქვენ შეგიძლიათ მოგვაწოდოთ ინფორმაცია თქვენი კარიერული მისწრაფებებისა და ინტერესების შესახებ, რათა ჩვენ გამოგიგზავნოთ შესაბამისი შეთავაზებები; და
• ჩვენ შეიძლება შევაგროვოთ ისეთი სახის ინფორმაცია, რომელიც თქვენს იდენტიფიცირებას მოახდენს და დაადასტურებს თქვენი მუშაობის უფლებას, მაგალითად, პირადობის დამადასტურებელი დოკუმენტის ასლი ან სახის ფოტოსურათი.

ინფორმაცია, რომელსაც ჩვენ ვაგროვებთ ავტომატურად, ძირითადად მოიცავს:

• ჩვენს ოფისებში თქვენი ვიზიტის დეტალები, ინტერვიუებზე, შეფასებებზე და ღონისძიებებზე დასწრება (როგორიცაა დრო და ხანგრძლივობა);
• PMI-ს შეხების წერტილების გამოყენების დეტალები (როგორიცაა აპლიკაციები/ინფორმაცია, დრო და ხანგრძლივობა, მოძიებული ინფორმაცია); და
• ინფორმაცია მოწყობილობის შესახებ (როგორიც არის, IP მისამართი ან მოწყობილობის უნიკალური იდენტიფიკატორი, მონაცემები მდებარეობის შესახებ, დეტალები ნებისმიერ ქუქი-ფაილებზე, რომელიც შესაძლოა ჩვენ შენახული გვქონდეს თქვენს მოწყობილობაში).

ინფორმაცია, რომელსაც მესამე მხარისგან ვაგროვებთ, ძირითადად მოიცავს:

• ვაკანსიაზე განაცხადის შესახებ ინფორმაცია დასაქმების სააგენტოებიდან (სადაც შეგაქვთ განცხადება დასაქმების სააგენტოს მეშვეობით);
• რეკომენდაციები და სამუშაო სერთიფიკატები წინა დამსაქმებლების ან სხვა რეკომენდატორებისგან;
• სადაც ნებადართულია კანონით, ბიოგრაფიის სკრინინგის შედეგად მიღებული ინფორმაცია, რომელიც ადასტურებს ვაკანსიისთვის ვარგისიანობას (როგორიცაა პირადობის დამადასტურებელი დოკუმენტის შემოწმება, მისამართის დადასტურება, კვალიფიკაციის და დასაქმების ისტორიის დადასტურება, სანქციების და პოლიტიკურად აქტიური პირების სიებში ძებნა და ნასამართლობის შესახებ ნებისმიერი დეტალები);
• შესვლის ინფორმაცია და პროფილის ინფორმაცია მესამე მხარის სოციალური მედიის საიტებიდან (მაგალითად, თუ აირჩევთ სამუშაო პლატფორმის სისტემაში შესვლის პროცესის გამარტივებას, რათა დაუშვათ პირდაპირი წვდომა მესამე პირის სოციალური მედიის ანგარიშში შესვლის შემდეგ, როგორიცაა Gmail ან Yahoo!, ან თუ გსურთ ინფორმაციის ატვირთვა პლატფორმაზე (მაგალითად, LinkedIn-დან) აპლიკაციის ხელით შევსების ნაცვლად); და
• საჯაროდ ხელმისაწვდომი პროფილის ინფორმაცია (როგორიცაა თქვენი როლი, უნარები, კვალიფიკაცია, გამოცდილება და ინტერესები, მაგალითად, კომპანიის ვებსაიტიდან, ინტერნეტ საძიებო სისტემებიდან ან სოციალური მედიის პლატფორმებიდან, როგორიცაა LinkedIn).

ინფორმაცია, რომელსაც ვაგროვებთ და ვამუშავებთ თქვენს შესახებ, შეიძლება იყოს თქვენი:

• სახელი
• პაროლი
• სახლის და საფოსტო მისამართი 
• საკონტაქტო დეტალები, მათ შორის პირადი ელფოსტის მისამართი და სახლის/პირადი მობილური ტელეფონის ნომერი, რა შემთხვევაშიც ეს დეტალები მოწოდებულია, როგორც განაცხადის აუცილებელი ელემენტები
• სქესი
• სამოტივაციო წერილი
• რეზიუმე/ვაკანსიაზე განაცხადი, რომელიც შეიცავს პერსონალურ და პროფესიულ ინფორმაციას
• როგორ გაიგეთ სამუშაოს შესახებ
• მუშაობის უფლება, მათ შორის პასპორტი ან სხვა ოფიციალური პირადობის დამადასტურებელი დოკუმენტი
• რეკომენდაციები
• საკვალიფიკაციო ჩანაწერები და სერტიფიკატები
• განათლებისა და დასაქმების ისტორია
• ინფორმაცია სამხედრო სამსახურის შესახებ
• ვაკანსიებზე განაცხადი
• მიმდინარე, მოსალოდნელი და შეთავაზებული დასაქმების წესები და პირობები (მაგ. ანაზღაურება, სამუშაო საათები, დასვენების დღეები, დამატებითი სარგებელი)
• ინტერვიუს ჩანაწერები და შეფასების შედეგები
• განაცხადის შედეგი და მიზეზი
• ვაკანსიაზე განაცხადის გაუქმების მიზეზი (ასეთის არსებობის შემთხვევაში)
• სოციალური დაზღვევისა და საშემოსავლო გადასახადის მონაცემები
• საგადასახადო კოდექსი
• დაბადების თარიღი
• ოჯახური სტატუსი და მდგომარეობა
• საბანკო ანგარიშის ინფორმაცია (იმ შემთხვევაში თუ ჩვენ ვიქნებით აგინაზღაუროთ გასაუბრებაზე დასწრების გარკვეული ხარჯები, ან შემოგთავაზებთ სამუშაოს და დაეთანხმებით მას)
• ფოტო და ვიდეო ჩანაწერები
• სისტემის მომხმარებლის ინფორმაცია
• თქვენ მიერ PMI-ს საინფორმაციო სისტემების გამოყენების შესახებ ავტომატური ჩანაწერები
• ჩვენთვის მოწოდებული ინფორმაცია PMI-ს აფილირებული პირის მიერ ოპერირებული საინფორმაციო სისტემების გამოყენების დროს
• ინფორმაცია ჩვენს ოფისში და ღონისძიებებზე თქვენი ვიზიტის შესახებ

ჩვენ ასევე შეიძლება შევაგროვოთ და დავამუშავოთ თქვენს შესახებ ინფორმაციის სპეციალური კატეგორიები, როგორიცაა:

• რასობრივი ან ეთნიკური წარმომავლობა (მაგ. თანაბარი შესაძლებლობების მონიტორინგი)
• პოლიტიკური მოსაზრებები (მხოლოდ იმ შემთხვევაში, თუ თქვენ ნებაყოფლობით აზიარებთ ამ ინფორმაციას)
• რელიგიური ან ფილოსოფიური მრწამსი (მაგ. განთავსების ობიექტისთვის)
• სექსუალური ორიენტაცია (მაგ. თანაბარი შესაძლებლობების მონიტორინგი ან თუ თქვენ ნებაყოფლობით აზიარებთ ამ ინფორმაციას)
• პროფკავშირის წევრობა (მხოლოდ იმ შემთხვევაში, თუ თქვენ ნებაყოფლობით აზიარებთ ამ ინფორმაციას)
• თქვენ ჯანმრთელობასთან დაკავშირებული მონაცემები, მათ შორის ინვალიდობის შესახებ (მაგ. განთავსების ობიექტისთვის)

ჩვენ დავამუშავებთ ამ ტიპის მონაცემებს, თუ თქვენ ნებაყოფლობით გაგვიზიარებთ მათ, თუ გვაქვს სამართლებრივი ვალდებულება, დავამუშაოთ ინფორმაცია და, რეკრუტირების პროცესიდან გამომდინარე, უზრუნველვყოთ განთავსების ობიექტით.

მიზნები, რომელთათვისაც ჩვენ ვიყენებთ ინფორმაციას თქვენ შესახებ, ინფორმაციის მოპოვების შესაბამისი მეთოდები და სამართლებრივი საფუძველი მდგომარეობს შემდეგში:

თუ ჩვენ თქვენ შესახებ ინფორმაციას გამოვიყენებთ სხვა საფუძვლით, გარდა ზემოთ ჩამოთვლილი სამართლებრივი საფუძვლებისა, ინფორმაციის დამუშავებამდე, ჩვენ წინასწარ მოგმართავთ თანხმობის მისაღებად აღნიშნული ინფორმაციის დამუშავებისათვის (აღნიშნული შემთხვევები გასაგები იქნება კონტექსტიდან გამომდინარე). დროდადრო შეიძლება მოვითხოვოთ თქვენი მკაფიო თანხმობა, რომ დავამუშაოთ ინფორმაციის სპეციალური კატეგორიები თქვენ შესახებ.

გარდა ზემოთ ჩამოთვლილი მიზნებისა, ზოგიერთ შემთხვევაში, ჩვენ შესაძლოა გამოვიყენოთ ინფორმაცია თქვენ შესახებ სხვა მიზნებისთვისაც. ასეთი გარემოების არსებობისას, ჩვენ მოგაწვდით პერსონალური მონაცემების შესახებ დამატებით შეტყობინებას, რომელიც განმარტავს აღნიშნულ გამოყენებას. ნებისმიერი დამატებითი შეტყობინება უნდა გაგებულ იქნეს აღნიშნულ შეტყობინებასთან კავშირში.

ინფორმაციის გაზიარება PMI-ის სხვა აფილირებულ პირებთან

• ინფორმაცია თქვენ შესახებ გაზიარებულ იქნება Philip Morris Products S.A. კომპანიასთან (მდებარეობს ლოზანაში, შვეიცარიაში), რომელიც წარმოადგენს პერსონალური მონაცემების ცენტრალური ადმინისტრირების ადგილს PMI-ის აფილირებული პირებისათვის. ინფორმაცია თქვენ შესახებ შესაძლოა ასევე გაზიარებულ იქნეს Philip Morris International საინფორმაციო ტექნოლოგიების სერვის ცენტრ Sàrl-თან (მდებარეობს ლოზანაში, შვეიცარიაში), როგორც PMI-ის აფილირებული პირების ტექნოლოგიების პროვაიდერთან. Philip Morris Products S.A. (იმ მოცულობით, რითაც მას აქვს წვდომა) და Philip Morris International IT სერვის ცენტრი Sàrl ამუშავებენ ინფორმაციას თქვენ შესახებ ყველა იმ მიზნისთვის, რაც მოცემულია აღნიშნულ შეტყობინებაში.
• თქვენ შესახებ ინფორმაციის გაზიარება მოხდება სხვა PMI აფილირებულ პირებთან ამ შეტყობინებაში აღწერილი ყველა მიზნით (მაგალითად, იმის დასადგენად, აკმაყოფილებთ თუ არა PMI-ს რომელიმე აფილირებულ პირთან არსებული ხელმისაწვდომი ვაკანსიების მოთხოვნებს). როდესაც თქვენ ტვირთავთ ინფორმაციას სამუშაოს ძიების პლატფორმაზე, ის ხელმისაწვდომი ხდება PMI-ს თითოეული აფილირებული პირისთვის, PMI-ს თითოეულ აფილირებულ პირს შეუძლია მისი დამუშავება დასაქმების საკუთარი მიზნებისთვის. ეს ასე ხდება მაშინაც კი, თუ თქვენ პასუხობთ ვაკანსიას, რომელიც გამოაქვეყნა PMI-ს კონკრეტულმა აფილირებულმა პირმა. შესაბამისად, თქვენ შესახებ ინფორმაციის გადაცემა შეიძლება მოხდეს გლობალურად (თუ თქვენი ინფორმაცია გროვდება ევროპის ეკონომიკურ სივრცეში, ეს ნიშნავს, რომ თქვენი ინფორმაციის გადაცემა შეიძლება მოხდეს მის ფარგლებს გარეთ).

დეტალური ინფორმაცია PMI-ს აფილირებულ პირებზე და ქვეყნებზე, სადაც ისინი არიან დაფუძნებული, ხელმისაწვდომია აქ. 

ქვეყნის სპეციფიკიდან გამომდინარე დამატებითი პუნქტები

იმისდა მიხედვით, თუ რომელ ქვეყანაში იმყოფებით, შესაძლებელია გაგაჩნდეთ გარკვეული დამატებითი უფლებები.

თუ იაპონიაში ხართ, გაიგეთ მეტი…

თუ თქვენ იმყოფებით იაპონიაში, გთხოვთ გაითვალისწინოთ, რომ ჩვენ ვუზიარებთ თქვენ შესახებ ინფორმაციას ამ შეტყობინებაში აღწერილი მიზნებისთვის PMI-ის სხვა აფილირებულ პირებს იაპონიის მონაცემთა დაცვის კანონმდებლობის „ერთობლივი გამოყენების“ საფუძველზე. როდესაც ჩვენ ამას ვაკეთებთ, Philip Morris Japan Limited (PMJ) აგრძელებს თქვენი პერსონალური ინფორმაციის პასუხისმგებლობით მართვას და იგივეს გაკეთებას ვითხოვთ მათგან, ვისაც ჩვენ ვუზიარებთ მონაცემებს. გარდა ამისა, თუ ისინი მდებარეობენ იაპონიის ფარგლებს გარეთ, ჩვენ მივიღებთ გონივრულ ზომებს შესაბამისი კანონებისა და რეგულაციების შესაბამისად.

მონაცემების გაზიარება მესამე პირებთან

• კანონით დაშვებულ ფარგლებში, ჩვენ შესაძლოა თქვენ შესახებ ინფორმაცია გავაზიაროთ მესამე პირებთან, რომლებიც აწვდიან PMI-ს აფილირებულ პირებს ან თქვენ პროდუქციას და მომსახურებას (მაგ., დასაქმების სააგენტოები, ბიოგრაფიის სკრინინგის პროვაიდერები, ონლაინ შეფასების პროვაიდერები, საინფორმაციო მომსახურების პროვაიდერები პირები და პირადობის დადასტურების პროვაიდერები ).
• კანონით დაშვებულ ფარგლებში, ჩვენ შესაძლოა გავაზიაროთ თქვენი ინფორმაცია მესამე პირებთან, სადაც აღნიშნული მოითხოვება ან დასაშვებია კანონით, მაგალითად: მარეგულირებელ ორგანოებთან; სახელმწიფო დეპარტამენტებთან; სახელმწიფო სამართალდამცავ უწყებებთან ან სხვა სახელმწიფო ორგანოებთან მათ მიერ წარმოდგენილი მოთხოვნებიდან გამომდინარე; იმ შემთხვევაში თუ ჩვენ მივიჩნევთ, რომ გასაჯაროება აუცილებელია და საჭიროა იმისთვის, რომ თავიდან იქნეს აცილებული ფიზიკური ზიანი, ფინანსური ზარალი ან სავარაუდო ან რეალური უკანონო ქმედების გამოძიებასთან დაკავშირებით; ასევე ორგანიზაციული რესტრუქტურიზაციის კონტექსტში.
• თუ ჩვენ გთავაზობთ მგზავრობას ან საცხოვრებელს (მაგ. როდესაც გჭირდებათ გამგზავრება, რომ დაესწროთ გასაუბრებას), ინფორმაცია თქვენ შესახებ შესაძლოა გაზიარებულ იქნეს მესამე პირებთან, რომლებიც გეგმავენ მგზავრობას, უზრუნველყოფენ ტრანსპორტით ან მგზავრობასთან დაკავშირებული მომსახურებით, ისეთები, როგორიც არის მგზავრობის აგენტი, ონლაინ დაჯავშნის მომსახურების უზრუნველმყოფი პირები, ბილეთების აგენტები, ავიახაზები, მანქანის გამქირავებელი კომპანიები, რკინიგზითა და სასტუმროთი უზრუნველმყოფი პირები. აღნიშნული პირები გამოიყენებენ თქვენ შესახებ ინფორმაციას საკუთარი მიზნებისათვის (მაგალითად რათა შეასრულონ თქვენს წინაშე არსებული ტრანსპორტითა და საცხოვრებლით უზრუნველყოფის ვალდებულება) და თქვენ უნდა შეამოწმოთ მათი პერსონალურ მონაცემებთან დაკავშირებული შეტყობინება იმისათვის, რათა შეიტყოთ დაწვრილებითი ინფორმაცია მათ მიერ თქვენ შესახებ ინფორმაციის გამოყენების თაობაზე. გაითვალისწინეთ ასევე, რომ თქვენ შეიძლება გქონდეთ უფლებები, რომლებიც შეიძლება გამოიყენოთ მესამე მხარესთან მიმართებაში, მათ მიერ თქვენ შესახებ ინფორმაციის დამუშავებასთან დაკავშირებით.

აღნიშნული შეტყობინების შესაბამისად ინფორმაციის გამოყენებისას, ინფორმაცია თქვენ შესახებ შეიძლება გადაცემულ იქნეს, როგორც იმ ქვეყანაში სადაც ის შეგროვებულ იქნა, ასევე მის საზღვრებს გარეთ, მათ შორის ისეთ ქვეყნებშიც სადაც არ არსებობს ექვივალენტური მონაცემთა დაცვის სტანდარტები.

მაგალითად, PMI-ის აფილირებულმა პირებმა ევროკავშირსა და ევროპის ეკონომიკურ ზონაში (EEA) შესაძლოა გადასცენ პერსონალური ინფორმაცია PMI-ის აფილირებულ პირებს ევროკავშირსა და EEA-ს გარეთ. ნებისმიერ შემთხვევაში გადაცემა იქნება:

• ევროკომისიის ადეკვატურობის გადაწყვეტილების საფუძველზე;
• დაცული შესაბამისი დაცვის მექანიზმებით, მაგალითად ევროკავშირის სტანდარტული სახელშეკრულებო დებულებებით ან სავალდებულო კორპორატიული წესებით; ან
• თქვენი თანხმობით ან როგორც აუცილებელი, თქვენსა და ჩვენ შორის გაფორმებული ხელშეკრულების ვალდებულებების შესასრულებლად (ან თქვენი მოთხოვნის შესაბამისად განხორციელებული წინასახელშეკრულებო ზომების შესასრულებლად) ან თქვენი ინტერესების შესაბამისად ჩვენსა და მესამე პირს შორის გაფორმებული ხელშეკრულებით გათვალისწინებული ვალდებულებების შესრულებისათვის, მაგალითად, როგორიც არის მოგზაურობის დაგეგმვასთან დაკავშირებით.

გაერთიანებული სამეფოდან გადაცემისთვის, გაერთიანებული სამეფოს GDPR-ისა და ინფორმაციის კომისრის ოფისის მითითებების შესაბამისად . 

ნებისმიერ შემთხვევაში, აღნიშნულ ქვეყნებსა და ტერიტორიებზე პერსონალური მონაცემები დაცული იქნება შესაბამისი პერსონალური მონაცემების დაცვის კანონმდებლობის მიხედვით.

ჩვენი სერვისის პროვაიდერები მდებარეობენ მსოფლიოს მრავალ ქვეყანაში, მათ შორის, და არა მხოლოდ EEA, შვეიცარიაში, აშშ -ში, კანადაში, ინდოეთში, ფილიპინებში, ინდონეზიასა და ავსტრალიაში.

ძირითადად ჩვენ ვინარჩუნებთ მონაცემებს ქვემოთ ცხრილში მოცემულ კრიტერიუმებზე დაყრდნობით. თუ ეს პერიოდები ეწინააღმდეგება სამართლებრივ ვალდებულებებს, მაგალითად, საგადასახადო და ბუღალტრული მიზნებისთვის, იმისთვის, რომ შევინახოთ ინფორმაცია განსაზღვრული მინიმალური პერიოდის განმავლობაში, ან წავშალოთ იგი განსაზღვრული მაქსიმალური პერიოდის შემდეგ, ჩვენ ასეთ დროს ვიყენებთ დადგენილ ვადებს.

თქვენი უფლებები დამოკიდებულია თქვენი ქვეყნის კანონმდებლობაზე. თუ თქვენ ხართ დიდ ბრიტანეთში, ევროკავშირში, ევროპის ეკონომიკური ზონაში, თქვენ ისარგებლებთ ქვემოთ ცხრილში ჩამოთვლილი უფლებებით. თუ თქვენ სხვაგან იმყოფებით, შეგიძლია დაგვიკავშირდეთ (ამ შეტყობინების ბოლოს იხილეთ პარაგრაფი „ვის უნდა დაუკავშირდეთ კითხვების არსებობის შემთხვევაში?“) მეტი ინფორმაციის მისაღებად.

• თუ თქვენ ხართ საფრანგეთში, უფლება გაქვთ მოგვცეთ მითითებები თქვენი გარდაცვალების შემდგომ თქვენზე არსებულ ინფორმაციასთან დაკავშირებით (კონკრეტულად, მითითებები იმის შესახებ, უნდა დარჩეს თუ წაიშალოს ინფორმაცია თქვენ შესახებ და უნდა ჰქონდეთ თუ არა სხვებს უფლება ნახონ ეს ინფორმაცია). თქვენ შეგიძლიათ:
• მისცეთ ზოგადი მითითება ციფრული მომსახურების პროვაიდერს, რომელიც რეგისტრირებულია საფრანგეთის მონაცემთა დაცვის ზედამხედველობის უწყებაში (რომელსაც ეწოდება „CNIL“) (აღნიშნული მითითება მოქმედებს თქვენ შესახებ არსებულ სრულ ინფორმაციასთან დაკავშირებით); ან
• მოგვცეთ სპეციალური მითითება , რომელიც ეხება მხოლოდ ჩვენ მიერ თქვენ შესახებ ინფორმაციის გამოყენებას .

თქვენმა მითითებამ შესაძლოა დაგვავალდებულოს გადავცეთ თქვენ შესახებ ინფორმაცია მესამე პირს (მაგრამ ისეთ შემთხვევებში, როდესაც ინფორმაცია მოიცავს მონაცემებს სხვა პირების შესახებ, ჩვენ ასევე გაგვაჩნია ვალდებულება დავიცვათ მათი პერსონალური მონაცემები, რაც შესაბამისაც ნიშნავს იმას, რომ ან ნაწილში ჩვენ ვერ შევასრულებთ თქვენს მითითებებს). თქვენ შეგიძლიათ დანიშნოთ მესამე პირი იმის უზრუნველსაყოფად, რომ თქვენი მითითებები ზედმიწევნით სრულდება. თუ აღნიშნული მიზნისთვის თქვენ არ დანიშნავთ მესამე პირს, თქვენი მემკვიდრეები უფლებამოსილები იქნებიან (თუ აღნიშნულს სხვაგვარად არ განსაზღვრავთ თქვენს მითითებებში) თქვენი გარდაცვალების შემდეგ განახორციელონ თქვენი უფლებები თქვენ შესახებ ინფორმაციასთან დაკავშირებით:

• იმისათვის, რათა მოხდეს სამკვიდროს მართვა (რა შემთხვევაშიც თქვენი მემკვიდრეებს ექნებათ წვდომა თქვენ შესახებ ინფორმაციაზე, რათა განსაზღვრონ და მიიღონ ინფორმაცია, რომელიც შესაძლოა გამოსადეგი იყოს თქვენი სამკვიდროს, მათ შორის ნებისმიერ ციფრული საქონლის ან მონაცემის, მართვისათვის და რაც შეიძლება განხილული იყოს, როგორც მემკვიდრეებზე გადაცემადი საოჯახო მოგონება); და
• რათა უზრუნველყოფილი იყოს, რომ მხარეები, რომლებიც იყენებენ ინფორმაციას თქვენ შესახებ, გაითვალისწინებენ თქვენს გარდაცვალებას (რაც გულისხმობს თქვენი ანგარიშის დახურვას და თქვენ შესახებ ინფორმაციის გამოყენებისა და განახლების შეზღუდვას).

თქვენ ნებისმიერ დროს შეგიძლია შეცვალოთ ან გამოიხმოთ გაცემული მითითება. გარდაცვალების შემთხვევაში თქვენ შესახებ ინფორმაციის დამუშავებასთან დაკავშირებული დამატებითი ინფორმაციის გასაცნობად იხილეთ 1978 წლის 6 იანვრის 78-17 კანონის 84-დან 86-ე მუხლები, შესწორებული რედაქციით. თქვენი გარდაცვალების შემთხვევაში, სტანდარტულად, თქვენ შეწყვეტთ თქვენი ანგარიშის გამოყენებას და ჩვენ წავშლით ინფორმაციას თქვენ შესახებ ინფორმაციის შენახვის შესახებ წესების შესაბამისად (დამატებითი ინფორმაციისთვის იხილეთ პარაგრაფი „რამდენი ხნის განმავლობაში შეინახება ინფორმაცია თქვენ შესახებ?“).

თუ ავსტრალიაში ხართ, გაიგეთ მეტი…

• თუ თქვენ იმყოფებით ავსტრალიაში, შემდეგი დამატებითი ინფორმაცია ვრცელდება თქვენზე:
• თუ არ მოგვაწოდებთ თქვენს პერსონალურ ინფორმაციას, ჩვენ ვერ შევძლებთ (თუ შეესაბამება) მოგაწოდოთ ინფორმაცია ან სერვისები, რასაც თქვენ ითხოვთ ან განვიხილოთ თქვენი დასაქმების შესახებ განცხადება ან კონტრაქტით გათვალისწინებული პოზიცია; და
• ჩვენი კონფიდენციალურობის პოლიტიკა (ხელმისაწვდომია მისამართზე: https://www.pmiprivacy.com/en-au/homepage ) განმარტავს: (i) როგორ შეგიძლიათ წვდომა და პერსონალური ინფორმაციის კორექცია, რომელსაც ჩვენ ვფლობთ თქვენ შესახებ; (ii) როგორ შეგიძლიათ შეიტანოთ პრეტენზია იმის შესახებ, თუ როგორ ვამუშავებთ თქვენს პერსონალურ ინფორმაციას; და (iii) როგორ განვიხილავთ ნებისმიერ პრეტენზიას.